Act 12:1-6 | SwhKC | STEP | Wakati huo huo Mfalme Herode Agripa aliwakamata baadhi ya watu wa kanisa.

Acts 12:1-6

Yakobo Auawa, Petro Atiwa Gerezani

1 ^aWakati huo huo Mfalme Herode Agripa aliwakamata baadhi ya watu wa kanisa. 2 ^bAkaamuru Yakobo, ndugu yake Yohana, auawe kwa upanga. 3 ^cAlipoona jambo hilo limewapendeza Wayahudi, akaendelea, akamkamata pia Petro. Hii ilitokea wakati wa Sikukuu ya Mikate Isiyotiwa Chachu. 4 ^dBaada ya kumkamata alimtia gerezani, chini ya ulinzi wa vikundi vinne vya askari, vyenye askari wanne kila kimoja. Herode alikuwa amekusudia kumtoa na kumfanyia mashtaka mbele ya watu baada ya Pasaka.

5 ^eKwa hiyo Petro akawekwa gerezani, lakini kanisa lilikuwa likimwombea kwa Mungu kwa bidii.

6 ^fUsiku ule kabla ya siku ambayo Herode Agripa alikuwa amekusudia kumtoa na kumfanyia mashtaka, Petro alikuwa amelala kati ya askari wawili, akiwa amefungwa kwa minyororo miwili. Nao walinzi wa zamu walikuwa wakilinda penye lango la gereza.